Voreme Jahr hani Dir müese säge, das Du jetz därfsch gah

Ha müese zueluege, wie Du sletscht mal schnufsch

Ha kein Puls meh gspürt

Ha ghört wie mis Härz bricht

Es ganzes Jahr hani Di nüme chöne umarme

Nüme chöne mit Dir Zmittag ässe

Nüme chöne mit Dir lache

Nüme chöne mit Dir e Serie luege

S’Lache im Huus fählt mer

Ich ghör niemerd meh Anisha rüefe

Wer seit, Ziit heili Wunde hät kei Ahnig

Du fälsch mer so sehr

Für immer

Din Bapi